Abd-Elrahman Belal

  لَيْلَي قصيدة ليلي من ديوان احتمال الوحدة تنفع 2019 - عبدالرحمن بلال  قصيدة لَيْلَي !  عبدالرحمن بلال  من ديوان "احتمال الوحدة تنفع" 2019  (المنصورة) اضغط هنا لتحميل القصيدة لَيْلَي  أتمني الدنيا تكون عندك أجمل دلوقت  وتعيشي وتنسيني مع الوقت  ويقابلّك ناس ويحبوكِ .  والبنت اللي انا حبيتها زمان تفضل جنبك  وتعيّش اَكتر , وأتمني الشاي لو أدمنتيه تزوديّ سُكر .  علشان اُمك  لما تشوفك !  ماتقولش إنك طالعه لأبوكِ . تحميل قصيدة ليلي - عبدالرحمن بلال 2019 تابع صفحة فيسبوك

  إعادة نشر تدوينه نسّمات التاسع عشر من فبراير  كنتِ من قبل ومازلتِ ويبدو أنكِ ستحملين سر السعادة للأبد كتبها في رسالة صغيرة وأرسلها عبر الهاتف ثم تنهد وأغمض عينه وأبتسم , وضع هاتفه علي حافة المكتب بعيداً عن ورقاته البيضاء وقلمه الأسمر وعلبة سجائره وراح يكتب في القصيدة الجديدة , كان يفكر أن يكتب عن أحوال بلاده فتأتيه علي هيئة مشروعها القومي الأكبر فيكتبها هي , ثم يبتسم ويفكر أن يكتب عن أحلام صباه وخيباته القديمة فـ تظهر له الفاتنة في ثوب المدرسة القديم وتسريحة الشعر الصغيرة وتُهديه وردة حمراء فيكتبها هي , ثم يبتسم ويفكر أن يكتب عن أصدقاء السوء وقرارت الضياع فينتهي به الحال بأن يكتبها هي , ثم يبتسم في كل مرة .. ان الكتابة ترفض أن تُهديه بعد الأن كلمات لا ترقي لأن يُهديها إليها , كل شيء صار كما توقع حتي احتلال أفكاره والذوبان في شرايين قلبه أشياء توقعها وحدثت لذلك كتب لها الرسالة , كنتِ من قبل ومازلتِ ويبدو أنكِ ستحملين سر السعادة للأبد . ان الحياة لا تأتي إلا لمن يأتيها مُحب هكذا كتب لنفسه وهو يحتسي قهوته ويُدخن , ما لهذه الأنثى تُغرقني وأنا الذي ما تحملت يوماً أن أري الماء ولو...

  قصة القطة بيلو - عبدالرحمن بلال (قصة قصيره 2012)  القطة التي وهبت أوربا الحب من خلال عيون كاتبها الأشهر - بيلو العمياء  انه الكاتب الأشهر في مجاله في هذا الوطن , فلسفته الرومانسية فتكت بقلوب نساء البلدة , كل قصصه تتصّدرها البطلة " بيلو " او Belo  , وتعني باللغة البرتغالية " رائعة الجمال "  وكانت عمياء ولا تُجيد القرأه ولكنها كانت مصدر الإلهام لكاتبنا . ذاع خبره في القارة العجوز بأنه الأفضل في وصف الكون بعيون عمياء مع انه صحيح النظر  , فـكان يجلس مع كبار المسؤولين في الدولة ويقرأ عليهم إحساس الأعمى في موقف ما وكيف وأنه يستطيع أن يفرق بين الليل والنهار رغم انه مجبور علي الليل دائما . وكان كلما ذهب الي مكان خارج وطنه يـُغير قصة " بيلو " فـمرة تكون زوجته , ومره محبوبته ومره والدته وهكذا , ولا يـعلم شخص في العالم بيلو الا هو . وجاء الوقت ليعلن ان قصته القادمة هي الأخيرة التي ستحكي عن بيلو و عالمها الخاص , فاستعدت اوربا كلها لهذا الحدث التاريخي , وعكف عن الناس في بيته علي أطراف المدينة و...

  عن الأمان وأشياء أخري مقال عن الصحة النفسية والعلاقات - عبدالرحمن بلال  من أكتر الأسئلة اللي بترهق أي بني أدم هي الأسئلة اللي ليها علاقه بانه يطّمن ويتأكد من الطريق اللي هو ماشي فيه وانه مش هيلبس في الحيط او ان أساسا يكون في طريق ومايكونش ماشي في اللاشئ الي اللاشئ .. ايه يخليك متأكد من اللي انت بتعلمه ؟ بص يا صديقي , من وجهة نظري العمر اقصر من انك ماتعملش الحاجه اللي نفسك فيها ومرتاح لها طالما لم يثبت بالدليل القاطع فشلها او انها مش الخير ليك .. لان مفيش طريق هتمشيه فعلاً الا وهايملاك في مرحلة ما الشك في الطريق نفسه او في اختيارك له او قرارك اللي خدته , اوقات كتير الحيرة في اتخاذ القرار او الاختيار بين اشياء مختلفه اصعب كتير جداً من انعدام الاختيارات اساساً .. برضو ايه اللي يطمني للطريق اللي انا ماشي فيه ؟ مفيش , اه والله زي ما بقولك مفيش , مهو محدش اتطلع علي الغيب ولا علي حكمة ربنا عشان يعرف نتيجة اختياراته او نهاية الطريق اللي ماشي فيه عشان يطمن وهو ماشي ولكن كل اللي تقدر تعمله انك تعمل اللي مرتاح له او اللي مقتنع بيه وتحاول علي قد ما تقدر انك تاخد...

  قصيدة اسألوها - عبدالرحمن بلال  القصيدة الكاملة - لينك التحميل سهل  قصيدة اسألوّها !  عبدالرحمن بلال  17 فبراير 2023  (اضغط هنا لتحميل القصيدة)  اسألوّها !  وقولوّلها تعرف ايه عن الحلم البعيد ؟  وصعوبة المواعيد !  وحُب ناس كانت معاها ومْشيتّ  وضَعف ناس حَنت لها وحَبتّ !  اسألوّها !  وقولوّلها لو خْبتّ :   الواد تْعب.  جرّب ينام ويقوم كتير وبرضو حمارهُ إتغلب.  مفيهاش حياة كده شكلها !  مفيهاش جّمال يشبه لها  لفيتها والله العظيم من شَرّقها لـ غرّبها,  إني ألاقي قلب يشبه قلبها !  أو حُب يشبه ضّحكها !  ملقتش والله العظيم غير صوت حزين بيقولها :  ما كفاية بُعد.  مش كُنا زي الناس سوا !  مش كُنا تقريباً بدأنا نحب بعض ؟ تحميل قصيدة اسألوها - عبدالرحمن بلال 2023

  قصيدة اقفل الدايرة - ديوان احتمال الوحدة تنفع 2019  قصيدة اقفل الدايرة من ديوان احتمال الوحدة تنفع 2019 - عبدالرحمن بلال  لمّ اللي فاكره من تجاربك  واللي فاضل من صحابك  والتيشرت النص كم إياه . .  وغيب !   اقفل الدايرة ببرود  وإن يسألوك إيه غيرك ؟  قول النصيب . مهما تحكي مش ها تسمع غير هاتُفرج  لو غرقت مش ها تلقي إيد تساعدك  فـ انت حاول تلحقك ,  واعرف إن الصحبة وقت , واعرف ان الطيبة ذنب , واعرف ان الجاي أصعب . .  وان اللي قابلك ع الطريق ,  بكره يفوّتك ع الطريق .  هوّن عليك  لا انت أول حد يزعل  ولا حتي ده أخر زعل !  لسه ها تشوف مـ الزمن ,  حجات يّجوز لا تُحتمل !  لما ها تفكر في بكره وتِترعب  وتبص حواليك متلاقيش غير الوجع . .  وتخاف ترد علي اتصالها لَيتعبك !!  اعرف  إن ساعتها بس ,  إن حُزنك اكتمل .  فاضحك  بقي ,  منتاش لوحدك في الحياه اللي إتظلم . .  كل اللي وجعك إتوجع . .  فأنت حاول تلحقك ,  لم التفا...

  اهداء ديوان (احتمال الوحدة تنفع)  ديوان احتمال الوحدة تنفع - عبدالرحمن بلال  للناس الخايفه من الجاي  والناس المرعوبة من بكره  للناس اللي بتشرب شاي  والناس اللي بتشرب موكا  ولكل أصحابي الجدعان  ولـ بنت زميلتي في شغل قديم  لـ محمد صاحبي و هيام . .   ولـ عبدو ومحمود وسمير  ولكل قهاوي شارع فيصل  لـ صديقتي جهاد وتقي الدين  ولقهوة ميلودي ولأكتوبر  والحي الأول و أمير و لأخويا وأختي وللعيلة ! لـ الوِحدة  اللي انا عايش فيها  ولكل سيجاره بولعها  لقميص كان نفسي أكويه وكسلت !  ولكل مدينة بودعها  والضحك اللي مجاش من فتره  ولكل الناس المهمومة ازاي ها تجيب عفش الشقة  أو حتي ازاي ها تجيب شقه  ولـ غُربة اتمنيت أسافرها  ولناس اتمنيت أقابلها  ولبنت إدتني ميعاد ومجاتش !  فـ دعيت أقابلها ولو صدفه. ولـ صاحب عُمر خَذلني في يوم  ولصاحب عُمر خَذلته في يوم  للفيلم اللي انا شوفته امبارح  ومش فاكره لأن غلبني النوم  ولعشاق الليل والقهوة...